Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 15-1} ari māṉ iṭittaṉṉa am cilai val vil
• {KALI 15-2} puri nāṇ puṭaiyiṉ puṟam kāṇṭal allāl
• {KALI 15-3} iṇai paṭai tāṉai aracōṭu uṟiṉum
• {KALI 15-4} kaṇai toṭai nāṇum kaṭum tuṭi ārppiṉ
• {KALI 15-5} eruttu valiya eṟuḻ nōkku iralai
• {KALI 15-6} maruppiṉ tirintu maṟintu vīḻ tāṭi
• {KALI 15-7} urutta kaṭum ciṉattu ōṭā maṟavar
• {KALI 15-8} poruḷ koṇṭu puṇ ceyiṉ allatai aṉpōṭu
• {KALI 15-9} aruḷ puṟam māṟiya ār iṭai attam
• {KALI 15-10} puripu nī puṟam māṟi pōkku eṇṇi putitu īṇṭi
• {KALI 15-11} perukiya celvattāṉ peyarttaral olvatu ō
• {KALI 15-12} ceyalai am taḷir ēykkum eḻil nalam a nalam
• {KALI 15-13} payalaiyāl uṇappaṭṭu paṇṭai nīr oḻinta kāl
• {KALI 15-14} poy aṟṟa kēḷviyāl puraiyōrai paṭarntu nī
• {KALI 15-15} mai aṟṟa paṭivattāṉ maṟuttaral olvatu ō
• {KALI 15-16} tīm katir mati ēykkum tirumukam a mukam
• {KALI 15-17} pāmpu cēr mati pōla pacappu ūrntu tolainta kāl
• {KALI 15-18} piṉṉiya toṭar nīvi piṟar nāṭṭu paṭarntu nī
• {KALI 15-19} maṉṉiya puṇarcciyāṉ maṟuttaral olvatu ō
• {KALI 15-20} puri aviḻ naṟu nīlam purai uṇ kaṇ kaluḻpu āṉā
• {KALI 15-21} tiri umiḻ ney ē pōl teḷ paṉi uṟaikkum kāl
• {KALI 15-22} eṉa āṅku
• {KALI 15-23} aṉaiyavai pōṟṟi niṉaiiyaṉa nāṭi kāṇ
• {KALI 15-24} vaḷamai ō vaikal um ceyal ākum maṟṟu ivaḷ
• {KALI 15-25} muḷai nirai muṟuvalār āyattu uḷ eṭuttu āynta
• {KALI 15-26} iḷamai um taruvatu ō iṟanta piṉ ē